ناشریا وارث کے لیے حق طباعت کامطالبہ کرناجائز
کتاب کا حقِ طباعت آج کل مال کے درجے میں آچکا ہے اس لیے اگر کتاب کے ناشر یا وارث نے حق طباعت اپنے لیے مخصوص یا محفوظ کرلیا ہو مثلاً کتاب میں ’’جملہ حقوق بحق ناشر محفوظ‘‘ لکھا ہو، یا اس طرح کا کوئی جملہ درج ہو یا وہاں کا عرف شاہد ہو، یا زبانی پہلے سے بتا دیا ہو تو اس کی اجازت کے بغیر کسی دوسرے شخص کا ادارہ کو ایسی کتاب کی طباعت روا نہ ہوگی ۔ اور اگر کتاب طبع کرالی تو ناشر یا وارث اپنے مخصوص حقِ طباعت کا معاوضہ لے سکتا ہے ۔ صورت مسئولہ میں جب مصنف کے بیٹے یہ کہتے ہیں کہ ’’اس کتاب کے حقوق میرے پاس ہیں‘‘ اور اس وجہ سے وہ کچھ معاوضہ طلب کرتے ہیں تو تراضی طرفین سے کچھ مناسب معاوضہ متعین کرکے دے دیا جائے۔ انھیں بھی چاہیے کہ ۱۰؍ فیصد کے لیے ضد نہ کریں۔ اس نوع کے مسائل کی تفصیل و تحقیق کے لیے راقم الحروف کی کتاب ’’پگڑی کے مسائل‘‘ کا مطالعہ کریں ۔ واللہ تعالیٰ اعلم
قبرستان میں کھیل کود کرنا