وہابیہ دیابنہ سے میل جول رکھنا ،شادی بیاہ کرنا اور ان کے ہاتھ کا ذبیحہ کھانا کیسا ہے ؟

کیا فرماتے ہیں علمائے دین و مفتیان شرع متین مسئلہ ذیل میں کہ:
زید ایک ایسی بستی میں رہتا ہے جہاں ہر طرف وہابی، دیوبندی عقائد و نظریات کے لوگ رہتے ہیں۔ اور وہاں صرف انہیں کے مساجد و مقابر ہیں۔ جن کی اقتدا میں نماز پنجگانہ، جمعہ وعیدین اور ان کی موت پر نماز جنازہ ادا کرتا ہے۔ اور ان سب کی ذبیحہ و قربانی کا گوشت بلا جھجک کھاتا اور دوسروں کو کھلاتا ہے۔ نیز ان کی ہر خوشی و غمی کی محفل میں ہمیشہ شرکت کرتا ہے۔ اور مزید یہ کہ اس نے اپنی بیٹی کا نکاح اسی علاقے میں انہیں عقائد و نظریات رکھنے والے لڑکے سے کیا ہے۔ المختصر یہ کہ اس کا مکمل جھکاؤ انہیں لوگوں کی طرف ہے اس لیے لوگ اسے وہابی، دیوبندی کہتے ہیں۔
زید کا لڑکا بکر بچپن ہی سے ایک سنی بستی میں رہتا ہے سنیوں کے عقائد و نظریات اور معمولات سے کوئی اختلاف نہیں رکھتا۔ بستی میں رائج تمام معمولات اہل سنت کو خود بھی انجام دیتا ہے اور دوسروں کے گھر بخوشی ورغبت شریک ہوتا ہے۔
چونکہ بکر کی شادی اسی گاؤں میں ہوئی ہے۔ جس گاؤں میں وہ رہتا ہے۔ اور سسرال والے بھی سنی صحیح العقیدہ مسلمان ہیں۔ لیکن بکر اور اس کے سسر عمر پورے فیملی کے ساتھ بوقت ضرورت زید کے گھر آنا جانا کرتے ہیں اور جانے کے بعد وہیں کھانا پینا، سلام و دعا، وہاں کے مسجد میں جا کر وہابیوں کی اقتدا میں نماز پڑھنا اور ان کی خوشی و غمی کی محفل میں شرکت کرتے رہتے ہیں۔
عمر کے ایک اور داماد ہیں جو مولانا صاحب ہیں۔ انہوں نے بکر و عمر اور ان کے گھر کے لوگوں کو بارہا سمجھایا کہ زید کے گھر آنا جانا اور ہر قسم کا رشتہ تعلق ختم کیجیے کیونکہ مسئلہ کے اعتبار سے قطعا صحیح نہیں ہے۔
مولانا صاحب کے بارہا سمجھانے کے بعد بھی بکر و عمر زید کے گھر آمد و رفت سے اجتناب نہیں کرتے بلکہ طرح طرح کے بہانے بناتے ہیں۔ لہذا بکر و عمر کے اس رویے سے ناراض ہو کر مولانا صاحب نے دونوں یعنی اپنے سسر اور ساڑھو سے ہر قسم کے رشتہ تعلق منقطع کر لیا ہے۔
پس دریافت طلب امر یہ ہے کہ زید بکر و عمر تینوں پر کیا حکم شرع نافذ ہوتا ہے؟
اور مولانا صاحب کا بکر و عمر سے رشتہ تعلق منقطع کرنا شرعا کیسا ہے؟
اور ان کے ساتھ میل جول رکھنے میں کس درجے کا گناہ ہے۔تفصیل کے ساتھ جواب عنایت فرما کر عند اللہ ماجور ہوں۔