یہ مجھ پر حرام ہے کہنے سے قسم ہوگا ؟

یہ مجھ پر حرام ہے کہنے سے قسم ہوگا ؟

مفتی محمد سیف علی الفیضی۔ السلام علیکم ورحمتہ اللہ وبرکاتہ کیا فرماتے ہیں علمائے کرام ومفتیان شرع اسلام مسئلہ ذیل میں اگر کوئی شخص اس طرح کہے کی قسم ہے اگر اج کے بعد میں اس کو کھایا تو آج سے یہ مجھ پر حرام ہے تو کیا قسم ہو جائے گی اب وہ اس چیز کو نہیں کھا سکتا اس بارے میں رہنمائی فرما دیں آپ کی بہت مہربانی ہوگی جزاک اللہ خیرا بسم الله الرحمن الرحيم

الجواب بعون الملك الوهاب:

وعلیکم السلام ورحمۃ اللہ وبرکاتہ۔قسم ہو جائے گی۔ حضور صدر الشریعہ علامہ امجد علی اعظمی صاحب قدس سرہ بہار شریعت میں فرماتے ہیں "جوشخص کسی چیز کو اپنے اوپر حرام کرے مثلاً کہے کہ فلاں چیز مجھ پر حرام ہے تو اس کے کہ دینے سے وہ شے حرام نہیں ہو گی کہ اللہ نے جس چیز کو حلال کیا ہے اس کو کون حرام کر سکے مگر اس کے برتنے سے کفارہ لازم آئیگا یعنی یہ بھی قسم ہے” (ج:٢ ح:٩ ص:٢٠) لہذا شخص مذکور اگر اس چیزکو کھائے گا تو کفارہ دینا پڑے گا۔ والله تعالى اعلم بالصواب۔ كتبہ :مفتی محمد سیف علی الفیضی ٤محرم الحرام ١٤٤٥ مطابق ٢٣جولائي٢٠٢٣