بِسْمِ اللَّهِ الرَّحْمَٰنِ الرَّحِيمِ
دار الافتاء اہلسنت - مسائل ورلڈ
مستند فقہی فتاویٰ و شرعی تحقیقات | مصدقہ فتویٰ نمبر: MW-1185 | تاریخ: 18 ستمبر 2025
مسائل ورلڈ - دار الافتاء اہلسنت | masailworld.com
الجواب بعون الملک الوھاب
بِسْمِ اللَّهِ الرَّحْمَٰنِ الرَّحِيمِ
الجواب بعون الملک الوھاب اللھم ھدایۃ الحق والصواب
کیکڑا کھانااور خنزیر کے جوٹھے پانی سے وضو کرنا کیسا؟
مفتی محمد صدام حسین برکاتی فیضی۔ مفتی صاحب قبلہ کی بارگاہ میں عرض ہیکہ کیکڑا کھانا کیسا ہے اور خنزیر کے جو ٹھے پانی سے وضو ہوگا یا نہیں ؟ سائل: محمد ساحل رضا خان کٹیہار بہار مقیم حال سعودی حرم شریف۔ الجواب بعون الملک الوھاب کیکڑا کھانا حرام ہے اور خنزیر کا جوٹھا پانی ناپاک ہے اس سے وضو نہیں ہوسکتا۔ البنایہ شرح الھدایہ میں ہے: "ويكره أكل ما سوى السمك من دواب البحر عندنا كالسرطان” اھ (ج١١، ص٦٠٤، کتاب الذبائح ،فصل فیما یحل الخ، دار الکتب العلمیہ بیروت لبنان) یعنی ہمارے نزدیک سمندری جانوروں میں سے مچھلی کے علاوہ کسی جانور مثلا :کیکڑے کا کھانا مکروہ ہے۔ اعلیٰ حضرت امام احمد رضا خان علیہ رحمۃ الرحمن تحریر فرماتے ہیں: "سرطان ( یعنی کیکڑا ) کھاناحرام ہے” اھ (فتاوی رضویہ، ج٢٤، ص٢٠٨، رضا فاؤنڈیشن ، لاھور) بہار شریعت میں ہے: "سوئر کتا شیر چیتا بھیڑیا ہاتھی گیدڑ اور دوسرے درندوں کا جوٹھا ناپاک ہے” اھ (حصہ دوم ص٣٤٢، آدمی اور جانوروں کے جوٹھے کابیان، مکتبۃ المدینہ کراچی) واللہ تعالیٰ ورسولہ ﷺ اعلم بالصواب۔ کتبہ: محمد صدام حسین برکاتی فیضی۔ ٧ شوال المکرم ١٤٤٤ھ مطابق ٢٨ اپریل ٢٠٢٣ء
وَاللہُ اَعْلَمُ عَزَّ وَجَلَّ وَرَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَسَلَّم
مجیب: مفتی محمد سجاد عطاری مدنی
مفتی و محقق، دار الافتاء مسائل ورلڈ
دار الافتاء مصدقہ فتویٰ
تصدیق شدہ