کیا حضور ﷺ ہر محفل میلاد میں تشریف لاتے ہیں ؟

کیا حضور ﷺ ہر محفل میلاد میں تشریف لاتے ہیں ؟

یہ ضروری نہیں کہ حضور اکرم صلی اللہ علیہ وسلم ہر مجالس خیر میں تشریف لاتے ہوں اپنے کرم سے جہاں چاہیں حضور اکرم صلی اللہ علیہ وسلم وہاں تشریف لاتے ہیں جیسا کہ حضور مجدد اعظم اعلی حضرت امام احمد رضا خان محدث بریلوی علیہ الرحمۃ تحریر فرماتے ہیں کہ مجالس خیر میں حضور اقدس صلی اللہ علیہ وسلم کی تشریف آوری اکابر اولیاء نے مشاہدہ فرمائی اور بیان کیا مگر یہ کوئی کلیہ نہیں سرکار کا کرم ہے جس پر ہو جب ہو فتاویٰ رضویہ ج٢٣ ص٧٤٩ اور فتاوی شارح بخاری میں ہے یہ ضروری نہیں کہ ہر میلاد شریف میں تشریف لائیں اپنے کرم سے جہاں چاہیں تشریف لاسکتے ہیں فتاویٰ شارح بخاری ج١ص٤٢٩ اور فتاوی تاج الشریعہ میں ہے کہ یہ کسی کاعقیدہ نہیں کہ حضور اقدس صلی اللہ علیہ وسلم میلاد شریف میں ضرور تشریف لاتے ہیں ہاں حضور انور صلی اللہ علیہ وسلم کو قدرت دی گئی ہے جہاں چاہیں اور جب چاہیں تشریف لائیں فتاویٰ تاج الشریعہ ج٢ ص٥٩٣ محمد عابد رضا مصباحی