بِسْمِ اللَّهِ الرَّحْمَٰنِ الرَّحِيمِ
دار الافتاء اہلسنت - مسائل ورلڈ
مستند فقہی فتاویٰ و شرعی تحقیقات | مصدقہ فتویٰ نمبر: MW-1925 | تاریخ: 18 ستمبر 2025
مسائل ورلڈ - دار الافتاء اہلسنت | masailworld.com
الجواب بعون الملک الوھاب
بِسْمِ اللَّهِ الرَّحْمَٰنِ الرَّحِيمِ
الجواب بعون الملک الوھاب اللھم ھدایۃ الحق والصواب
پیشاب کے ساتھ منی نکلنے کا شک ہو تو غسل واجب ہوگا یا نہیں؟
سوال : بکر کو کبھی کبھی پیشاب کے ساتھ منی نکلنے کا شبہ ہوتا ہے تو اس کے بارے میں شریعت کا کیا حکم ہے غسل واجب ہوگا یا نہیں؟ بینوا و توجروا الجوابـــــــــــــــــــــ اگر منی اپنی جگہ سے شہوت کے ساتھ جگہ نہیں ہوئی تو پیشاب کے ساتھ نکلنے سے غسل واجب نہ ہو گا البتہ وضو ٹوٹ جائے گا جیسا کہ حضرت صدر الشریعہ علیہ الرحمہ والرضوان تحریر فرماتے ہیں اگر منی پتلی پڑ گئی کہ پیشاب کے وقت یا ویسے کچھ قطرے بلا شہوت نکل آئیں تو غسل واجب نہیں البتہ وضو ٹوٹ جائے گا. (بہار شریعت حصہ دوم صفحہ 38) اور حضرت علامہ حصکفی رحمۃ اللہ تعالی علیہ تحریر فرماتے ہیں : فرض الغسل عند خروج منی من العضو منفصل عن مقرۃ بشھوۃ ” ١ھ. ( درمختار مع الشامی جلد اول صفحہ 118) واللہ تعالی اعلم ۔ کتبہ : مفتی محمد عبد الحی قادری الجواب صحیح : مفتی جلال الدین احمد الامجدی
وَاللہُ اَعْلَمُ عَزَّ وَجَلَّ وَرَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَسَلَّم
مجیب: مفتی محمد سجاد عطاری مدنی
مفتی و محقق، دار الافتاء مسائل ورلڈ
دار الافتاء مصدقہ فتویٰ
تصدیق شدہ