لیمپ کی روشنی میں بخاری شریف کا مطالعہ کرلیتا ہوِں از حضور حافظ ملت

لیمپ کی روشنی میں بخاری شریف کا مطالعہ کرلیتا ہوِں۔از حضور حافظ ملت

قصبہ مبارک پور محلہ پرانی بستی کے جس مکان میں مدرسہ اشرفیہ مصباح العلوم چلتا تھا، ہم لوگ اپنے عہدے طالب علمی میں اسے پرانا مدرسہ کہتے تھے، اسی پورانا مدرسہ کے باہری حصہ میں کچھ طلبا رہتے تھے اور اندرون خانہ حافظ ملت علیہ الرحمہ کبھی تنہا اور کبھی فیملی کے ساتھ تشریف فرما ہوتے تھے، یہ عمارت اب تک خام اور سفال پوش تھی- ایک بار خافظ ملت کے اسی رہائشی کھپڑیل مکان میں چند اصحاب مبارک جمع ہوئے اور آپ سے عرض کیا کہ ہم لوگوں نے فیصلہ لیا ہے کہ اس مکان میں بجلی کا کنکشن کرا دیا جائے، حضور کی خدمت میں صرف اجازت کے لئے حاضر ہوئے ہیں- آپ نے کمال بے نیازی سے فرمایا، سامنے رکھے ہوئے لیمپ کی طرف اشارہ کرتے ہوئے: الحمدللہ! عبد العزیز اس لیمپ کی روشنی میں بخاری شریف کا مطالعہ کر لیتا ہے- لوگوں نے عرض کیا، صرف روشنی کا مسئلہ نہیں ہے بجلی لگ جانے سے پنکھے وغیرہ کی سہولتیں بھی پیدا ہو جائیں گی- آپ نے بانس کا پنکھا ہاتھ میں لے کر فرمایا: میں اس دور روپیے کے پنکھے سے گرمی دور کر لیتا ہوں- آئینہ حافظ ملت پیش کش: محمد حارث نوید مصطفائی مبارک پوری