قرآن پاک میں کل کتنے سجدے ہیں اورکس کس سورت میں ہیں؟

قرآن پاک میں کل کتنے سجدے ہیں اورکس کس سورت میں ہیں؟

السلام علیکم و رحمۃ اللہ وبرکاتہ. کیا فرماتے ہیں علمائے دین و مفتیان شرع متین اس بارے میں کہ قرآن پاک میں کل کتنے سجدے ہیں اورکس کس سورت میں ہیں؟ (سائل محمد ممتاز عطاری پاکستان) و علیکم السلام و رحمۃ اللہ تعالیٰ وبرکاتہ الجواب بعون الملک الوھّاب احناف کے نزدیک قرآن کریم میں چودہ آیتیں ہیں جن کے پڑھنے یاسننے سے سجدۂ تلاوت واجب ہو جاتا ہے:جن کی تفصیل درج ذیل ہے . (1)سجدہ پارہ 9 سورۂ اعراف میں (2)سجدہ پارہ 13 سورۂ رعدمیں (3)سجدہ پارہ 14 سورۂ نحل میں (4)پارہ 15 سورۂ بنی اسرائیل میں* (5) پارہ 16 سورۂ مریم میں (6) پارہ 17 سورۂ حج میں 17پارہ کے آخر میں ایک سجدہ اور بھی ھے جو امام شافعی کے نزدیک ھے ۔ (7) پارہ 19 سورۂ فرقان میں (8) پارہ 19 سورۂ نمل میں ( 9) پارہ21سورۂ السجدہ میں (10) پارہ 23سورۂ ص میں (11) پارہ 24 سورۂ حم السجدہ میں ( 12) پارہ 27سورۂ نجم میں ( 13) پارہ 30 سورۂ انشقاق میں ( 14) پارہ 30سورۂ اقراءمیں واللہ اعلم عزوجل ورسولہ اعلم ﷺ کتبہ :ابورضا محمد عمران عطاری مدنی