عمرہ کے بعد بال کٹوانا (حلق اور قصر)

مردوں کے لیے عمرہ مکمل کرنے کے بعد سر کے بال استرے سے مکمل مونڈنا (حلق) افضل ہے جس کے لیے نبی کریم ﷺ نے تین بار دعا فرمائی ہے۔ اگر بال کٹوانے (قصر) ہوں تو پورے سر کے بالوں کا ایک ایک پور (تقریباً ایک انچ) کٹوانا ضروری ہے، صرف چند بال کاٹ لینا کافی نہیں۔ عورتیں اپنے بالوں کی چوٹی (Pony) کے آخری سرے سے صرف ایک پور کے برابر بال خود یا کسی محرم سے کٹوائیں گی۔ واللہ اعلم۔