سونے اور چاندی کے نصاب میں فرق

اگر کسی کے پاس صرف سونا ہو (اور کچھ بھی کیش یا چاندی نہ ہو) تو زکوٰۃ اس وقت فرض ہوگی جب سونا ساڑھے سات تولہ (87.48 گرام) ہو۔ لیکن اگر سونے کے ساتھ تھوڑی سی بھی نقدی (Cash) یا چاندی موجود ہو، تو پھر ساڑھے سات تولہ کی شرط ختم ہو جائے گی اور کل مالیت کو چاندی کے نصاب (ساڑھے باون تولہ یعنی 612.36 گرام کی مالیت) سے جانچا جائے گا۔ چاندی کے نصاب کے برابر مالیت بنتے ہی 2.5٪ زکوٰۃ فرض ہو گی۔ واللہ اعلم۔