ادھار شراب پی لی تو قیمت نہیں دیگا ؟ از محمدارشد حسین الفیضی

ادھار شراب پی لی تو قیمت نہیں دیگا ؟

کیا فرماتے ہیں علمائے دین ومفتیان شرع متین اس مسئلہ کےبارے میں کہ زید جو کہ شرابی تھا اور کچھ شراب ادھار لے کے پی لیا تھا لیکن اب توبہ کر لیا ہے تو ادھار شراب کا پیسہ دیگا یا نہیں؟ جواب عنایت فرمائیں نوازش ہوگی المستفتی:مولانا اظہر پرتاب گڑھ یوپی انڈیا۔ بسم ﷲ الرحمن الرحیم الجواب بعون الملک الوھاب علامہ علاءالدین حصکفی علیہ رحمۃ الباری فرماتے ہیں کہ مسلمان نے کافر سے شراب خرید کر پی لی تو نہ ضمان واجب ہے نہ ثمن”لو اشتراھا ای الخمر منہ ای الذمی وشربھا فلا ضمان ولاثمن لانہ فعلہ بتسلیط بائعہ” اھ (الدرالمختار ج٩ص٣٥٠، کتاب الغصب، زکریا بکدبو دیوبند) لہذا زید کو نہ تو ادھار شراب کا پیسہ دینا ہے اور نہ ہی اس کے ذمہ واجب ہے ۔ وﷲ تعالیٰ اعلم بالصواب. کتبہ:محمدارشد حسین الفیضی ٢٠رجب المرجب ١٤٤٣ھ