الکوحل آمیز دوا یا سینٹ کی شیشی جیب میں رکھ کر نماز پڑھی تو ہوئی یا نہیں؟

الکوحل آمیز دوا یا سینٹ کی شیشی جیب میں رکھ کر نماز پڑھی تو ہوئی یا نہیں؟

سوال : کیا فرماتے ہیں علمائے دین و ملت اس مسئلہ میں انگریزی اسپرٹ الکوحل آمیز دوا کی شیشی یا سینٹ کی شیشی جیب میں ہے اور اسی حالت میں نماز پڑھی تو نماز ہوئی یا نہیں؟ الجوابــــــــــــــــــــــــــــــــــــــ اسپرٹ کی شیشی جیب میں رکھ کر نماز پڑھی تو نماز نہ ہوئی. الکوحل ملی انگریزی دواؤں کے استعمال کی اب بوجہ عموم بلوی ودفع حرج اجازت ہے اس لئے اس کی شیشی کو جیب میں رکھ کر نماز پڑھنے میں کوئی حرج نہیں. البتہ سینٹ کی شیشی جیب میں رکھ کر نماز پڑھی تو نماز نہ ہوئی جبکہ اس میں اسپرٹ ملنا متحقق ہو کہ سینٹ لگانے کی حاجت نہیں اور نہ ہی اس میں عموم بلویٰ. رد المحتار میں ہے لو حمل قارورۃ مضمومۃ فیھا بول فلا تجوز صلاتہ لانہ فی غیر معدنہ کما فی البحر عن المحیط ١ھ. (صفحہ ٤٠٣ جلد ١) واللہ تعالی اعلم ۔ کتبــــــــہ : غلام نبی نظامی علیمی الجواب صحیح : مفتی نظام الدین رضوی جامعہ اشرفیہ مبارکپور