تفسیر سورہ مریم آیت ۹۔ قَالَ كَذٰلِكَۚ-قَالَ رَبُّكَ هُوَ عَلَیَّ هَیِّنٌ وَّ قَدْ خَلَقْتُكَ مِنْ قَبْلُ وَ لَمْ تَكُ شَیْــٴًـا

قَالَ كَذٰلِكَۚ-قَالَ رَبُّكَ هُوَ عَلَیَّ هَیِّنٌ وَّ قَدْ خَلَقْتُكَ مِنْ قَبْلُ وَ لَمْ تَكُ شَیْــٴًـا(9)

تفسیر: ‎صراط الجنان

{قَالَ كَذٰلِكَ: فرمایا ایسا ہی ہے۔} حضرت زکریاعَلَیْہِ  الصَّلٰوۃُ وَالسَّلَام کی عرض کے جواب میں  یہاں  فرمایا گیا کہ بیٹا اسی حالت میں  دیا جائے گا اور یہ میرے اوپر بہت آسان ہے کہ میں  بڑھاپے کے عوارض دور کر کے آپ میں  جوانوں  کی سی قوت و توانائی پیدا کردوں  اور آپ کی بیوی کے مرض کو دور کر کے انہیں  صحت عطا کر دوں  کیونکہ  اللہ تعالیٰ نے حضرت یحیٰ عَلَیْہِ  الصَّلٰوۃُ وَالسَّلَام سے پہلے آپ کو اس وقت پیدا کر دیا جب آپ کچھ بھی نہ تھے تو جو رب تعالیٰ معدوم کو موجود کرنے پر قادر ہے وہ بڑھاپے میں  اولاد عطا فرمانے پر بھی یقینا قادر ہے ۔