ممبر رسول کا تقدس اور حق گو علماء کی حمایت از: محمد اشفاق عالم الأمجدی العلیمیٓ

ممبر رسول کا تقدس اور حق گو علماء کی حمایت

از: محمد اشفاق عالم الأمجدی العلیمیٓ
بچباری آبادپور کٹیہـــــــــــــــــــار بہار
ممبرِ رسول صلی اللہ علیہ وسلم کی عظمت و حرمت کی حفاظت ہر مسلمان کا دینی و اخلاقی فریضہ ہے۔ یہ وہ مقام ہے جہاں سے حق و صداقت کی صدائیں بلند ہوتی ہے، جہاں سے امت مسلمہ کو دینِ مصطفی کا پیغام پہنچایا جاتا ہے۔ لیکن اس وقت چند افراد جو ممبرِ رسول صلی اللہ علیہ وسلم کے تقدس کو پامال کرنے کی کوشش کر رہے ہیں، اور حق کے علمبرداروں کو ڈرانے اور دھمکانے پر تُلے ہوئے ہیں ـــــــــــــــــ
یہ حقیقت ہے کہ علماء حق ہمیشہ دین کے محافظ رہے ہیں اور رہیں گے۔ اُن کی یہ جدوجہد کہ دینِ مصطفی صلی اللہ علیہ وسلم پر کوئی آنچ نہیں آنے دے گی۔ منبرِ رسول کے تقدس کی حفاظت کے لیے بے شمار علماء، طلباء آج بھی ہمہ وقت مصروف عمل ہیں۔ ان علماء کی جدوجہد کسی ذاتی مفاد کے لیے نہیں، بلکہ دین کی سربلندی اور رسول اللہ صلی اللہ علیہ وسلم کے ارشادات و پیغامات کی حفاظت کے لیے ہے ــــــــــــــــ

آج بذریعہ سوشل میڈیا مفتی نوشاد عالم امجدی صاحب کے خلاف ایف آئی آر کی خبر دیکھ کر بڑا افسوس ہوا۔ ان کی غلطی فقط یہ تھی کہ انہوں نے حق گوئی اور اصلاح کی جرأت کی، جسے برداشت کرنے کے بجائے ان پر مقدمہ درج کرا دیا گیا۔
اگر اصلاح کو قبول نہ کیا جائے اور تنقید کا سامنا نہ ہو سکے تو عالم کہلانے کا دعویٰ بے معنی ہے۔ ایف آئی آر درج کرنے سے حق گو خاموش نہیں ہوں گے، بلکہ حق گوئی کا جذبہ مزید مضبوط ہوگا ـــــــــــــــــ
ہم مولانا نوشاد امجدی صاحب کے شانہ بشانہ کھڑے ہیں اور ان شاء اللہ ہمیشہ کھڑے رہیں گے۔ حق کے اس سفر میں کوئی بھی ہمارے حوصلوں کو کمزور نہیں کر سکتی۔
لہٰذا ! میں ایف آئی آر درج کرانے والے سے گزارش کرتا ہوں کہ وہ اپنی شکایت فوری طور پر واپس لے اور مولانا موصوف سے طلب معافی ہو ۔ یہ دین اور علماء کے تقدس کا تقاضا ہے، اور اس معاملے کو آپسی افہام و تفہیم کے ذریعے حل کرے ـــــــــــــــــ

از: محمد اشفاق عالم الأمجدی العلیمیٓ
بچباری آبادپور کٹیہـــــــــــــــــــار بہار