کیا جنت میں میاں بیوی ساتھ ہوں گے یا نہیں؟
السلام علیکم ورحمۃ اللہ وبرکاتہ
میرا سوال یہ ہے کہ شوہر اور زوجہ کا نکاح جیسے بعد از وفات ختم ہو جاتا ہے تو کیا جنت میں دونوں میاں بیوی ہوں گے یا نہیں؟
الجواب :
وعلیکم السلام ورحمۃ اللہ وبرکاتہ
موت سے نکاح کا ختم ہونا دنیاوی احکام کے لیے ہے،جنت میں وہ بدستور میاں بیوی ہوں گے جبکہ دونوں جنتی ہوں تو۔
عورتوں کو جنَّت میں ان کے وہ شوہر ملیں گے جن کے نکاح میں وہ تھیں بشرطیکہ شوہر بھی جنَّتی ہوں۔اگر کسی عورت کا شوہر جنَّت میں نہ جا سکا تو وہ کسی اور جنَّتی مَرد کے نکاح میں دے دی جائے گی۔
واللہ اعلم بالصواب
کتبہ : مفتی کامران عطاری مدنی