کیا اندھے گونگے بہرے پر بھی نماز فرض ہے؟
اَلسَلامُ عَلَيْكُم وَرَحْمَةُ اَللهِ وَبَرَكاتُهُ
علمأ کرام کیا فرماتےہیں مسٸلہ ذیل کے بارے کیا اندھے گونگے بہرے ان لوگوں کے اوپر بھی نماز فرض ہے کیونکہ نماز کے بہت فراٸض و شراٸط ان لوگوں سے ادا نہیں ہو سکتا جواب عنایت کریں ۔
المستفتی: محمـد تـوقیـر رضـا اسمٰعیلی بھـارالھنـد
——————————————————————————————-
وعلیکم السلام ورحمۃاللہ وبرکاتہ
بسـم اللـہ الرحمٰـن الرحیم
الجــوابــــــــ بعون الملک الوہاب اللھم ھدایتہ الحق والصواب
صورت مسئولہ میں اندھے ،گونگے، بہرے، تینوں پر انکی استطاعت کے مطابق نماز فرض ہے۔
جیسا کہ ارشاد باری تعالیٰ ہے۔
( لَا يُكَلِّفُ اللَّهُ نَفْسًا إِلَّا وُسْعَهَا)
ترجمہ کنز الایمان (اللہ کسی جان پر بوجھ نہیں ڈالتا مگر اسکی طاقت بھر) یعنی اس کی استطاعت سے بڑھ کر مکلف نہیں بناتا۔ (البقرہ’ ٢٨٦)
ہر وہ مکلف جو سن نہیں سکتا یاگونگے، بہرے اور اندھے پن میں مبتلاہے، تو اسے بھی ادائے فرائض و واجبات اور ترک محرمات کے سلسلے میں حتی المقدور کوشش کرکے اللہ تعالی سے ڈرنا چاہیے نیز جتنا ہو سکے کوشش کرکے یا اشارہ کے ذریعہ دین کو سمجھنا چاہیے تاکہ مطلوب حاصل ہوجائے ۔
ایسا شخص اپنی استطاعت کے مطابق نماز پڑھےگا،
”وفسر في الحواشي السعدية التكليف بالإسلام والعقل والبلوغ”
(الدر المختار وحاشية ابن عابدين رد المحتار) (ج،٣ص، ٧٠٤)
واللــہ تــــــعالیٰ اعلـم بالصــواب
حضرت علامہ مولانا محمد منظـــور عالم قادری صاحب قبلہ مدظلہ العالی والنورانی
کتبــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــہ
استاد۔ دارالعلوم اہلسنت معین الاسلام
چھتونہ میگھولی کلاں مہراجگنج (یوپی)