عقیدہ ختمِ نبوت اور ہماری ذمہ داریاں
ختمِ نبوت کا عقیدہ دینِ اسلام کی اساس ہے۔ اس کا مطلب یہ ہے کہ حضرت محمد مصطفیٰ ﷺ اللہ کے آخری نبی ہیں، آپ کے بعد کوئی نیا نبی نہیں آئے گا۔ یہ عقیدہ قرآن و حدیث اور اجماعِ امت سے ثابت ہے۔ قرآن کریم میں واضح طور پر ارشاد ہے: "مَا كَانَ مُحَمَّدٌ اَبَاۤ اَحَدٍ مِّنْ رِّجَالِكُمْ وَ لٰكِنْ رَّسُوْلَ اللّٰهِ وَ خَاتَمَ النَّبِیّٖنَ"۔
ہماری ذمہ داریاں:
اس عقیدے کا تحفظ ہر مسلمان پر فرض ہے۔ ہمیں چاہیے کہ ہم خود بھی اس عقیدے کو مضبوطی سے تھامے رکھیں اور اپنی آنے والی نسلوں کو بھی اس کی اہمیت سے آگاہ کریں۔ جھوٹے مدعیانِ نبوت اور فتنہ پرور گروہوں سے خود بھی بچیں اور دوسروں کو بھی بچائیں۔